യുട്യൂബ് ഉപയോഗിക്കുന്ന രീതികള്‍ മാറുന്നു; 'ആസ്‌ക് യുട്യൂബ്'നെക്കുറിച്ച് അറിയാം

യുട്യൂബ് ഉപയോഗിക്കുന്ന രീതികള്‍ക്ക് മാറ്റം വരികയാണ്. വാക്കുകള്‍ ടൈപ്പ് ചെയ്തും തമ്പ്‌നെയില്‍ ഉപയോഗിച്ചും യുട്യൂബ് വീഡിയോ തിരയുന്ന രീതികളില്‍ മാറ്റംവരികയും കൂടുതല്‍ മെച്ചപ്പെട്ട തിരയല്‍ അനുഭവം ഉപയോക്താക്കള്‍ക്ക് ലഭിക്കുകയും ചെയ്യുമെന്നാണ് സൂചനകള്‍.

യുട്യൂബില്‍ കീവേഡ് ഉപയോഗിച്ച് തിരയുന്ന രീതിയെ ആശ്രയിക്കുന്നതിനുപകരം, ഉപയോക്താക്കള്‍ക്ക് ശബ്ദങ്ങള്‍ ഉപയോഗിച്ച് ചോദ്യങ്ങള്‍ ടൈപ്പ് ചെയ്യാനും AI-ജനറേറ്റഡ് ടെക്സ്റ്റ് സംഗ്രഹങ്ങള്‍, ഹ്രസ്വ ക്ലിപ്പുകള്‍, ഹൈലൈറ്റ് ചെയ്ത സെഗ്മെന്റുകള്‍ എന്നിവ സംയോജിപ്പിക്കുന്ന തരത്തിലുള്ള ഫലങ്ങള്‍ സ്വീകരിക്കാനും കഴിയും. ഉപയോക്താക്കള്‍ക്ക് ഫോളോ-അപ്പ് ചോദ്യങ്ങള്‍ ചോദിക്കാന്‍ കഴിയുന്ന തരത്തില്‍ ഒരു സംഭാഷണം (Chat) പോലെ തിരച്ചിലിനെ തോന്നിപ്പിക്കുന്നതിനാണ് ഈ പുതിയ സവിശേഷത രൂപകല്‍പ്പന ചെയ്തിരിക്കുന്നത്.

Ask YouTube എന്ന ഈ പുതിയ ഫീച്ചര്‍ ഉപയോഗിച്ച് വിവരങ്ങള്‍ കണ്ടെത്താനും വീഡിയോകള്‍ സംഗ്രഹിക്കാനും യാത്രാ പദ്ധതികള്‍ ആസൂത്രണം ചെയ്യാനും സാധിക്കും. റിസള്‍ട്ട്സില്‍ നിന്നോ വീഡിയോ പ്ലെയറില്‍ നിന്നോ പുറത്തുപോകാതെ ഇതെല്ലാം സാധ്യമാക്കാനാണ് കോണ്‍വര്‍സേഷണല്‍ AI ഉപയോഗിക്കുന്നത്.

പ്ലാറ്റ്‌ഫോമിലെ പരീക്ഷണ പരിപാടിയായ YouTube Labs വഴിയാണ് പുതിയ Ask youTube ടൂള്‍ ലഭ്യമാകുന്നത്. ഈ ഫീച്ചര്‍ നിലവില്‍ ലാബ്‌സ് ടെസ്റ്റിംഗ് ഘട്ടത്തിലാണ്. പരീക്ഷണ കാലയളവ് 2026 ജൂണ്‍ 8 വരെ നീണ്ടുനില്‍ക്കും. ഇംഗ്ലീഷ്, ഹിന്ദി, സ്പാനിഷ്, പോര്‍ച്ചുഗീസ്, കൊറിയന്‍, അറബിക്, തായ്, ഇന്‍ഡോനീഷ്യന്‍, ജാപ്പനീസ് ഭാഷകളില്‍ ഈ ടൂള്‍ ലഭ്യമാണ്.

നിലവില്‍ പ്രീമിയം സബ്‌സ്‌ക്രൈബര്‍മാര്‍ക്ക് യൂട്യൂബ് ലാബ്‌സ് വെബ്‌സൈറ്റ് വഴി ഓപ്റ്റ് ഇന്‍ ചെയ്യാവുന്നതാണ്. ഒരിക്കല്‍ ആക്ടീവാക്കിയാല്‍ പല ഉപകരണങ്ങളിലും ഉപയോഗിക്കാന്‍ കഴിയും. മൊബൈലിലും വെബ്‌സൈറ്റിലും ഉപയോഗിക്കാനായി വീഡിയോയുടെ താഴെയുള്ള Ask ബട്ടണിലോ സെര്‍ച്ച് ബാറിലോ ക്ലിക്ക് ചെയ്യുക.ഇവിടെ ഒരു ചോദ്യം ടെപ്പ് ചെയ്യുകയോ പ്രോംപ്റ്റുകള്‍ തിരഞ്ഞെടുക്കുകയോ ചെയ്യാം.

Content Highlights : The way YouTube is used is changing; Learn about 'Ask YouTube'. Google is testing a new change that will allow the use of conversational AI